Advert

Breaking News

Madee: Bifu ni Kama Sheria Pia ni Biashara

Msanii wa muziki wa Bongo Fleva, Madee amekiri kuwa kwenye muziki hata iweje bifu ni lazima zitatokea hii ni kutokana na wasanii kufanya kitu cha aina moja huku akidai kuwa kitendo hicho kinachangamsha muziki.

Madee amesema bifu lazima ziwepo ili kuchangamsha muziki kwani muda mwingine zinaweza zikatumika kibiashara ili mradi kusiwe na chuki kutoka moyoni au zile bifu za kushikiana mapanga au kutukanana mitandaoni.

“Wanamuziki na bifu ni kama sheria ipo hiyo …kwa sababu tunafanya biashara moja lazima tunatengezeana chuki fulani..na ambao wana publish vitu hivyo vinakuwa vikubwa ni wananchi kwa sababu hawajui kwamba fulani na fulani wanafanya hivyo kwa sababu ya nini? Muda mwingine bifu inachangamsha gemu na muda mwingine ni biashara”,amesema Madee kwenye mahojiano yake na Gazeti la Mwananchi.

Kwa upande mwingine Madee amesema bifu ni nzuri ila isifikie mahala wahusika wakaanza kutukanana mitandaoni au kutafutana mitaani kwa mapanga kwani hiyo inakuwa ni vita na sio bifu tena.

Madee kwa miaka ya hivi karibuni amekuwa na bifu na wasanii wenzake kama Ney wa Mitego na Afande Selle ambapo mpaka leo bado tofauti hizo hajatamka wazi kama alishazipotezea.
Download App Yetu  >> BOFYA HAPA << Tukutumie Habari na Burudani Zote FASTA Kila Time BURE Kabisa !

No comments

TOA MAONI YAKO HAPO CHINI.