Breaking News

Lil Wayne Aitukana Cash Money na Kusema Kuwa Hayupo Nao Tena.

Baada ya bosi wa Kundi la Cash Money, Birdman kushindwa kulipa fedha kiasi cha Dola milioni 51 kwa msanii wake Lil Wayne, nyota huyo wa muziki ameamua kutunga wimbo wa kulitukana kundi hilo.

Lil Wayne anamdai bosi huyo kutokana na makubaliano ya kazi zao za muziki, lakini inadaiwa hadi sasa Birdman ameshindwa kulipa deni hilo, hivyo Lil Wayne akaamua kuandika wimbo unaowashambulia wasanii wote waliopo kwenye kundi hilo akiwemo bosi wao.

Kupitia ziara yake ya ‘Lil Weezyana Festival’, ambayo inaendelea New Orleans, msanii huyo mwishoni mwa wiki iliyopita alipanda jukwaani na kuutambulisha wimbo wake mpya ambao ulikuwa unawatukana wasanii hao na bosi wao.

“Kabla sijaanza kuimba naomba niongee maneno matatu, awali nilikuwa Cash Money lakini kwa sasa sipo tena huko kutokana na uongozi wao kuwa mbovu, kwa sasa nimeamua kufanya kazi mwenyewe,” alisema Lil Wayne. Jiunge Nasi  >> Facebook <<  >> Instagram << na >> PlayStore << Kupata Habari na Burudani Fasta Kila Time.

No comments

TOA MAONI YAKO HAPO CHINI.